ئاشتیاکۆ پوورکەریم سەرۆکی بزووتنەوەی سەربەخۆییخوازانی کوردستان:
ناوەندی شەڕی سێهەمی جیهانی لە ڕۆژهەڵاتی ناڤینەوە چەخماخەکەی لێدراوە، هەر وەک چۆن ئەنجامی شەڕی یەکەم و دووهەمی جیهانی بووە هۆی دروستبوونی کۆمەڵێک وڵات، شەڕی سێهەمی جیهانیش کۆمەڵێک نەتەوەی بێدەوڵەت تێیدا دەبنە خاوەن وڵات.
ئامانجی شەڕی ئیسرائیل تەنیا پرۆکسیەکانی ئیران نییە، ئامانج گۆڕینی نەخشەی ڕۆژهەڵاتی ناوەڕاستە.
کورد لە کوێی ئەم هاوکێشەیە دایە؟
نتانیاهۆ دوو نەخشەی لە نەتەوە یەکگرتووەکان بەرز کردەوە لە ژێر ناوی دوو زوون ” بەرەکەت و نەفرەت” عێراق،ئیران،سووریە و چەند وڵاتێکی تر لە ناو نەخشەی ڕەشی نەفرەت دابوون، واتە ناو جەرگەی شەڕ ، کە کورد لە چەقی ئەم ناوچەیە دایە.
کورد لە ناو ئەم هاوکێشەیە دا پشکی گەورەی دەبێ بۆیە پێویستە لەو هەلومەرجە هەستیارە دا کە دەتوانێ بۆ پرسی کوردستان یەکلاکەرەوە و لە ئەنجامدا لە بەرژەوەندیی کورد دابێ،خۆمان ڕێکبخەین و ئامادەی ئەم گۆڕانکاریانە بین کە لە ڕۆژهەڵاتی ناڤین لە ئارا دان.
کوشتنی ئیبراهیم ڕەئیسیی سەرۆک کۆماری ئیران، ئیسماعیل هەنیەی ڕێبەری حەماس و تازەترینیان کوشتنی حەسەن نەسڕوڵڵای ئەمینداری گشتی حیزبوڵڵای لوبنان ، هەموویان هێمان بۆ دەسپێکی شەڕێکی تەواو بە دژی تیرۆر و تیرۆریسم لە ڕۆژهەڵاتی ناڤین.
ئامانجی کۆتایی ئەم شەڕە تەنیا حەماس، حیزبوڵڵا وبە گشتی بەرەی موقاومە و پرۆکسیەکانی ئیران نییە، بەڵکوو کۆتاییهێنانە بە ئیران، عێراق، سووریە وچەند وڵاتێکی تری ناوچەکە.
سەربەخۆیی و بنیاتنانی وڵاتانی نەتەوە بێ دەوڵەتەکان و کۆتاییهاتن بە داگیرکاریی وڵاتە داگیرکراوەکان نزیکە.
