هاووڵاتیان و خەڵکی تێکۆشەری ڕۆژهەڵاتی کوردستان
شەڕ و ئاڵۆزییەکانی ڕۆژهەڵاتی ناوەڕاست بەردەوام لە پەرە سەندن دایە و بە تایبەتی پاش هێرشی هاژەکیی ئیران بۆ سەر ئیسرائیل، ناوچەکە وەک گڕکان ئامادەی تەقینەوەیە و گڕی ئەم ئاگرە رژیمی ئیران دەگرێتەوە.
ئامانجی ئیسرائیل لە قۆناغی یەکەمدا لەناو بردنی پەلوپۆکانی ئیرانە ” پرۆکسیەکان و میحورەی موقاومەت”.
کۆتا ئامانجی ئیسرائیل بێ هێز کردن و رووخاندنی خودی ڕژیمی ئێرانە کە بێ شک لە ماوەیەکی نە زۆر دوور دا ، ئیسرائیل بە هێرشی مووشەکی و بوردومان، بەرپەرچی ئیران دەداتەوە و شوێنە هەستیار و گرینگە کانی ” وزە و ئەتۆمی، نەوتی، سەربازی و ئابووریی ” دەکاتە ئامانجی مووشک باران و بوردومانەکانی.
تەشکیلاتی بزووتنەوەی سەربەخۆییخوازانی کوردستان لە ڕێگەی ئەم ئاگادارییەوە، گەلەکەمان لە ڕۆژهەڵاتی کوردستان ئاگادار دەکاتەوە کە ڕێوشوێنی خۆپارێزیی پێویست بۆ پاراستن و سڵامەتیی خۆیان لەم دۆخە هەستیارە دا بگرنە بەر.
داواتان لێدەکەین:
- ١- لە بنکەی سەربازی و نیزامی و سەرجەم شوێنە هەستیارەکانی سەر بە ڕژیم دوور کەونەوە ” بە تایبەتی ئەو ناوچانەی ڕژیم بنکەی ئەتۆمی و سەربازگە و جبەخانەی گەورەی لێ دامەزراندوون وەک:” بەشێک لە ناوچەکانی کرماشان، خوڕەمئاوا، مەریوان، سەرپێڵی زەهاو، پیرانشار و … “
- ٢- دەوا و دەرمان و خۆراکی پێویست و سەرەتایی لە ماڵەکانتدا هەڵگرن و ئەنباری کەن” داوا لە دووکاندارەکان دەکەین لەو دۆخە ئابووریە دا یارمەتیدەری خەڵک بن”
- ٣- سەرچاوەکانی وزە و خۆگەرمکردنەوە لە ماڵەوە دابین بکەن، بە تایبەتی ماتۆڕ و موەلیدی بەرق و کارەبا.
- ٤- بۆ پاراستنی سەروەت و سامانەکانتان و ڕێگری لە تووشبوون بە ڕەوشی نالەباری ئابووری ، پووڵ و پارەکانتان لە بانکەکانی ڕژیم بێننە دەرەوە .
- ٥- بە هۆکاری ئەگەری پچڕانی ئاوی ماڵان، ئاوی پێویست لە ماڵەوە دابین بکەن
- ٦- دڵنیایی دەدەین کە ڕژیم لە لێواری ڕووخان دایە و هەر بۆیە پێویستە ئامادەی گەڕانەوە بۆ سەرشەقام و سەرهەڵدانەوەی شۆڕشی ژینا و ڕاپەڕینی سەرتاسەری بن.
- ٧- بە هۆی ئەوەی ئەگەری پچڕانی هێڵەکانی تەلەفۆن و ئینتێرنێت لە ئارا دایە، داوا لە گشت خەڵکی ڕۆژهەڵاتی کوردستان دەکەین : لەم هەلومەرجە دا پەناگە، پاڵپشت و یارمەتیدەری یەکتر بن و لە ڕێگەی کەسانی متمانە پێکراو خواست و پەیامەکانیان بگەیەنن .
- ٨- تەشکیلات و شانە نهێنیەکانی بزووتنەوەی سەربەخۆییخوازانی کوردستان لە ناوخۆی ڕۆژهەڵات ئاگادار دەکەینەوە کە ڕێکخستنەکانیان بۆ یارمەتیدانی گەلەکەمان و کارا بوونی گەنجان لە مەیدانەکە وەگەڕ بخەنەوە.
بەشی تەشکیلات و ئەمنیەتی
بزووتنەوەی سەربەخۆییخوازانی کوردستان
هەینی ١٣ی ڕەزبەری ٢٧٢٤ی کوردی
٤ی سێپتامبری ٢٠٢٤ی زایینی
