ڕیزدارانی کۆمیتەی ناوەندی
بەڕێز، کاک رەزا کەعبی سکرتێری کۆمەڵەی زەحمەتکێشانی کوردستان
هاوڕێیان،ئەندامان و لایەنگرانی کۆمەڵەی زەحمەتکێشانی کوردستان
سڵاوی شۆڕشگێرانەی سەرۆکایەتی، ڕێبەری و ئەندامانی بزووتنەوەی سەربەخۆییخوازیی کوردستانتان پێشکەش بێ.
وێڕای پیرۆزبایی کۆتاییهاتنی کۆنگرەکەتان، بۆ بڕیاری بە جێ و بوێرانەتان لە پێوەندی بە وەلانانی دروشمی فیدرالیزم و گۆڕینی بۆ مافی دیاریکردنی چارەنووس، دەستخۆشیتان لێدەکەین و سەرکەوتنتان ئاواتمانە.
هەر چەند ئێمە وەک بزووتنەوەی سەربەخۆییخوازانی کوردستان، لەو باوەڕە دابووین کە کۆمەڵەی زەحمەتکێشانی کوردستان بە گوڕتر لە پێشوو دێتەوە مەیدان و شیمانەی ئەوەمان دەکرد کە دروشم و ستراتیژیتان لە فیدراڵیەوە بۆ سەربەخۆیی بگۆڕێ بەڵام ئەم گۆڕانکارییەی ئێستاش”مافی دیاریکردنی چارەنووس” بەو پێیەی لە بەرنامەی سیاسیی زۆرینەی لایەنە فیداڵخوازەکانیش دا پەسەند کراوە، جێگەی دڵخۆشیە و هیوادارین ئەمە ببێتە دەلاقەیەک بۆ گۆڕانکاریی سەرەکی لە خەبات و تێکۆشانی هەموو هێز و لایەنەکانی دیکەی کوردستان لە پێناوی هەوڵدان و گەیشتن بە سەربەخۆیی و سەروەریی سیاسیی نەتەوەی کورد.
بزووتنەوەی سەربەخۆییخوازانی کوردستان
٢٣ی بانەمەڕی ٢٧٢٤ی کوردی
١٢ی مەی ٢٠٢٤ی زایینی
