-خەڵکی تێکۆشەری کوردستان
-حیزبی دێموکراتی کوردستانی ئێران
هەواڵی کۆچی دوایی خوشکە نەسرین قاسملوو، هاوژینی شەهید د.قاسملوو، هەموومانی پەرۆش و خەمبار کرد و جارێکی تر برینی ساڕێژنەکراوی لە دەستدانی شەهید د.قاسملووی خستینەوە یاد.
خوشکە نسرین قاسملوو “هێلێن کڕۆلیچ” لە پێناو ناساندنی پرسی کورد و گەیاندنی خواست و ویستی نەتەوەی کورد بە گوێی دنیای دەرەوە، لە ئورووپاوە بۆ چیا و لە شاخەوە بۆ شار، شان بە شانی شەهید دوکتور قاسملوو تێکۆشا و تەنانەت پاش لە دەستدانی هاوژینەکەشی لە خەبات بۆ نەتەوەی کورد نەوەستا، وەک ئەوە وابوو کە لە بنەڕەتدا کوردە و خوێنی کوردایەتی لە دەمارەکانی دایە، بۆیە تا دوا ساتەکانی ژیانی بە نووسین و بەشداری لە کۆڕ و کۆبوونەوەکان، دەنگی مافخوازانەی گەلی کورد بوو و هەر وەک هاوژینەکەی بۆ کورد ژیا و بۆ کورد مرد، بۆیەش بە نەمری دەمێنێتەوە.
بە بۆنەی کۆچی دوایی خوشکە نەسرین پرسە و سەرەخۆشی خۆمان بە گشت کۆمەڵانی خەڵکی کوردستان بە گشتی و ڕێبەری و کادر و پێشمەرگەکانی حیزبی دێموکراتی کوردستانی ئێران و بنەماڵەی قاسملوو و کڕۆلیچ بە تایبەتی ڕادەگەیەنین و خۆمان لەم خەم و پەژارە دا بە شەریک و بەشدار دەزانین.
ڕووحی شاد و یاد و ناوی بەرز و بەڕێز بێ.
بزوتنەوەی سەربەخۆییخوازانی کوردستان
٢٠ی ڕەشەممەی ٢٧٢٢ی کوردی
١١ی مارسی ٢٠٢٣ی زایینی
