ڕاگەیەندراوی بزووتنەوەی سەربەخۆییخوازنی کوردستان لەمەڕ لە سێدارەدرانی چوار بەندکراوی سیاسیی کورد لە لایەن ڕژیمی ئێران.
ڕژیمی داگیرکەری ئێرانی بەرەبەیانی ئەمڕۆ دووشەممە، ٩ی ڕێبەندانی ٢٧٢٣ی کوردی ” ٢٩ی ژانوییەی ٢٠٢٤ی زایینی” پژمان فاتحی، موحسین مەزلووم، وەفا ئازەربار و محەممەد فەرامەرزی، چوار زیندانیی سیاسیی کوردی لە گرتووخانەی قزلحەساری کەرەج لەسێدارە دا.
بزووتنەوەی سەربەخۆییخوازانی کوردستان وێڕای مەحکووم کردنی کردەوە دژە مرۆییەکانی داگیرکەری ئێرانی پەیامێک ئاراستەی کۆمەڵانی خەڵکی کوردستان، ڕێکخراوە مەدەنی و مافی مرۆیی و سەرجەم هێز و لایەن و حیزب و ڕێکخراوە سیاسیەکانی کوردستان، کۆڕ و کۆمەڵە جیهانی و نێودەوڵەتیەکان دەکا، تاکوو چیتر بەرانبەر بە جینایەتەکانی ئێران لە هەمبەر نەتەوەی کورد بێدەنگ نەبن.
کۆمەڵانی تێکۆشەری کوردستان،
ئێمە وەک بزووتنەوەی سەربەخۆییخوازانی کوردستان لەو باوەڕە داین کە بەرانبەر بە کردەوە دژە گەلییەکانی ڕژیم کاردانەوەی جیددی پێویستە و بەیاننامە دان و مەحکووم کردن تەنیا بەتاڵکردنی ڕقی پیرۆزە و هیچ دەردێک دەوا ناکا.
بە پێی ئەزموونی پێشوومان، مانگرتنی گشتی بە داخستنی دووکان و بازاڕ و مانەوە لە ناو ماڵ تەنیا لە قازانج و بەرژەوەندیی ڕژیمی داگیرکەر دایە و کۆماری ئیسلامی لە هەلومەرجی ئەمڕۆ دا حەز بە بێدەنگی و چۆڵ بوونی شەقام و داخستنی دووکان و بازاڕ دەکا.
مانگرتنی لەم چەشنە جیا لەوەی جووڵانەوەی ڕزگاریخوازیی کورد دەخاتە دۆخی پاسیڤ بوون و ناکارامەیی، زەرەری ماڵی و ئابووری لە خەڵکی هەژار و بێدەرەتانی کوردستان دەدا.
نە ڕژیمی ئێران بە مانگرتن و داخستنی دووکان و بازاڕ دەڕووخێ و نە کورد لە ئێران و ڕۆژهەڵاتی ناوەڕاست بە خەباتی مەدەنی و ئاشتیخوازانە بە ماف و خواستەکانی دەگا.
زمانی مانگرتن و خەباتی مەدەنی، زمانی وڵاتێکی دێموکراتیک و باوەڕمەند بە بنەما نێونەتەوەییەکانی مافی مرۆڤ و دێموکراسیە نەک زمانێک بۆ ئاخافتن بەرانبەر بە گوللە و ئاگر و پەت و سێدارە .
بۆیە لە ڕێگەی ئەم پەیامەوە داوا لە گشت کۆمەڵانی خەڵکی کوردستان دەکەین، بڕژێنە ناو شەقامەکان و بە دەربڕینی ناڕەزایەتی گشتی وێڕای دەربڕینی بێزاری خۆیان لەم ڕژیمە، بیروڕای گشتیی کۆمەڵگای جیهانیش زیاتر بەرەو پرسی کورد و داگیرکاریی ڕژیمی ئێران و جینایەتەکانی دەرهەق بە نەتەوەی کورد ئاگادار بکەنەوە.
خرۆشانی شەقام و شار، تۆڵەی پیرۆز و ڕاپەڕینی گشتی و سەرەنجام کۆتایی هێنان بە داگیرکەری ئێرانی ، تاکە ڕێگەی دەربازبوونمانە لەو نەهامەتی و قەیرانەی تێیکەوتووین.
“کورد تا دەوڵەتی نەبێ ئەمە هەر بەشی دەبێ”
بۆ سوکنایی هاتنی زامی دڵی دایک، خوشک، برا و بنەماڵەی شەهیدان و بۆ ئارامیی گیانی گیانبەختکردوان و بۆ دامرکانەوەی رقی پیرۆزی تێکۆشەران و ئازادیخوازانی دەروەست و نەتەوەیی و بە گشتی بۆ ساڕێژی برینی زامی گەلی کورد، تۆڵە دەتوانێ باشترین دەرمان و ڕێگە چارە بێ.
گەلی کورد لە ڕۆژهەڵاتی کوردستان وەک هەمیشە بۆ خاوەندارێتی لە ڕۆڵەکانی نیشتمان ئامادە، لە سەر پێ و گیان لە سەر دەستە، هەر بۆیە پێشمەرگەکانی شار ڕادەسپێرین کە بە پێی بنەمای پەسەند کراوی نێودەوڵەتیی بەرگریی مەشرووع و ڕەوا، هێرش بکەنە سەر هەرچی هێما و نماد و ئاسەواری داگیرکەری ئێرانیە.
هاوکات داوا لە هێز و ڕێکخراوە سیاسیەکانی ڕۆژهەڵاتی کوردستان دەکەین کە بە یەکدەنگی و یەکگرتوویی، ورە بەخشی هیزی لەبن نەهاتوو و لەشکان نەهاتووی گەل بن، پێکهێنانی بەرەیەکی یەکگرتووی کوردستانی پرسێکی هەنووکەییە.
داوا لە کۆمەڵگای نێودەوڵەتیش دەکەین بەرانبەر بە داگیرکاری و جینایەتەکانی ڕژیمی ئێران چ لە ئاستی کوردستان و چ لە ئاستی ناوچەیی و جیهانی دا بێدەنگ نەبن کە سەرەڕۆییەکانی ئەم ڕژیمە ڕۆژ لە دوای ڕۆژ زیاتر داوێنی ئێوەش دەگرێتەوە و ئێوەش لە پڕیشکی ئەم ئاگرە بێبەش نابن.
بزووتنەوەی سەربەخۆییخوازانی کوردستان
٩ی ڕێبەندانی ٢٧٢٣ی کوردی
٢٩ی ژانوییەی ٢٠٢٤ی زایینی
